👘 和服穿著體驗全攻略｜流程、時間安排、內著建議一次睇清！
- JAPANTIPS
- 7月1日
- 讀畢需時 3 分鐘
已更新：7月2日
京都、金澤、東京淺草等地都好適合試玩「和服穿著體驗」，無論係情侶拍拖、家庭旅行或親子寫真，著和服行街＋影靚相都已經係自由行不可錯過嘅活動之一。不過，體驗前有好多細節係唔少人忽略嘅，例如：要著咩內衣？要預留幾多時間？冬天會唔會凍？
今次就為大家詳細拆解從預約到歸還嘅完整流程＋時間估算＋穿著建議，讓你第一次體驗都可以輕鬆準備！
🗓️ 一、體驗前準備：預約建議＋人數安排
📌 強烈建議提前預約，特別係櫻花季、紅葉季（3月～5月／10月～12月）屬高峰期
一般店鋪提供官網／表單／IG 私訊預約，會問你人數、性別、有冇小朋友、到店時間等
📸 如果要加購髮型（有店鋪是包髮型）、化妝服務，亦要一併提前說明，主要是女性。
大部份店鋪都可以中文溝通，請向和服店查詢。
⏱️ 體驗時間參考（含穿著＋整裝）
人數 | 建議預留時間 | 注意事項 |
1–2人，加小孩1–2人 | 約 1–1.5 小時 | 女士髮型較費時，如不化妝會快少少 |
3–4人，加小孩1–4人 | 約 1.5～2 小時 | 男士雖快，但需等待女士完成才可出發 |
5–8人 或再多 | 約 2～3 小時 | 建議分批處理，或安排較早時段到店 |
加化妝 | 額外+30分鐘（視乎項目） | 淡妝最快，底妝＋眼妝約需30分鐘以上 |
📌 網紅熱門和服店因人流多，有客人曾試過入店後要等3小時先出發，建議避開繁忙時段（如11點～14點），選擇早上9點前後最穩妥。
🛍️ 二、穿著當日流程
報到／登記資訊 → 出示預約姓名，部分店會提供款式目錄供你選
挑選和服款式（約15–30分鐘） → 可揀選振袖／訪問服／大正風／雷絲款／武士服
款式詳情可參考文章：https://www.japantips.info/post/日本和服種類推介
穿著與綁腰帶（女士約20–30分鐘，男士10分鐘左右）
髮型設計（選擇性） → 編髮＋配飾（髮簪、蝴蝶結、珍珠夾等）
準備出門時間 → 有鏡子、調整衣物
✅ 男士流程最快，但仍需等女士出門後一同出發，尤其是家庭／情侶行程時。
🩲 三、穿和服要著咩內衣內褲？冬天著咩先至唔凍？
👙 女士內著建議：
上衣：貼身無領背心／U領內衣（淺色為佳）
下身：打底短褲／安全褲／leggings
內褲：請避免深色 lace 或突起裝飾款式，以免透出或不適
🧣 冬天保暖方法：
可穿發熱內衣（貼身）＋發熱襪／打底褲
店鋪多提供和風披肩或羽織外套加購
穿短靴可保暖（如大正風 ）
小朋友建議內層加貼身發熱衣，不易著涼
✅ 雖然和服看似薄，但腰間有多層束帶包裹，其實中段會較暖。真正要保暖的是頸部、手腕、腳踝等末端部位。
🏯 四、外出漫遊 × 行程建議
和服體驗通常為「當日租借、最遲17:00前歸還」
亦有店鋪可以翌門歸還，但需要按金。
店家通常會推薦熱點／地圖，如：
八坂神社 → 八坂塔 → 產寧坂 →清水寺 （1.5～2小時行程）
嵐山竹林 → 渡月橋
📷 延伸推介：攝影配套 × 森川寫真館
如想一次過完成穿和服＋專業拍攝，可以考慮：
🎞️ 森川寫真館 Morikawa Studio（香港人主理攝影團隊）關西地區限定
專拍旅客、親子與情侶寫真
熟悉京都街道光線與拍攝角度
提供親子和服拍攝、中文溝通
合作和服店鋪預約支援, 請向他們查詢
✅ 和服穿著體驗全攻略流程總結表
流程步驟 | 時間估算 | 建議備註 |
預約與報到 | 預約越早越穩妥 | 高峰期請提早一週預約 |
選衣／穿著 | 1人約 30–45 分鐘 | 團體需預留更多時間 |
髮型／化妝 | +15～30分鐘 | 建議女士選擇基本編髮 |
外出／拍照 | 2～3小時自由行動 | 最遲 17:00 歸還和服 |
歸還／結束 | 快速更衣即交還 | 有些店提供免費卸妝 |
👘 想著得靚又影得靚，記得預早安排好時間、準備合適內著，選擇信譽好、流程清晰的和服店就更加事半功倍！
留言